Бензинот поскапува за 1,5 денари, дизелот поевтинува за 2 денари

Бензините од ноќеска на полноќ поскапуваат за 1,5 денари, а дизел горивата поевтинуваат за два денара по литар, одлучи денеска Регулаторната комисија за енергатика (РКЕ).

Со одлуката се врши намалување на рафинериските и на малопродажните цени на нафтените деривати во просек за 1,21, односно за 1,28 отсто.

Новата малопродажна цена на ЕУРОСУПЕР БС-95 изнесува 89, а на ЕУРОСУПЕР БС-98 90,5 денари за литар. ЕУРОДИЗЕЛ (Д-Е В), ќе се продава за 73,5, а Екстра лесното масло за домаќинство (ЕЛ-1) за 62 денари за литар.
Со одлуката на РКЕ за 1,095 денари за килограм се намалува и малопродажната цена на мазутот М-1 НС кој сега ќе се продава за 48,078 денари за килограм.

Како причина за промена на цената на нафтените деривати од РКЕ ги посочуваат за 0,76 отсто пониската просечна цена на сурова нафта на светскиот пазар во изминатиот 14-дневен период и за 0,70 отсто понискиот курс на доларот во однос на денарот.