Агенцијата за храна и ветеринарство го стави во функција бесплатниот телефонски број 0800 3 22 22 наменет за потрошувачите на кој 24 часа, може да се пријават неправилности од областа на безбедноста на храната, здравствената заштита и благосостојбата на животните.
На оваа телефонска линија потрошувачите имаат можност да дадат и предлози за унапредување на работата на Агенцијата. Граѓаните имаат право да ја искористат можноста и да останат анонимни, а доколку остават податоци (име и презиме, адреса и телефонски број за контакт) ќе добијат и писмено известување. Јавувањата на потрошувачите ќе бидат снимени.
