Животната средина во време на забрзан развој и градежна експанзија е прва жртва на неодговорното човеково однесување. И покрај законските прописи, декларативните заложби, стручни мислења, анализи и разни студии, клучен критериум за опстанокот на ионака малите зелени површини и дрворедите во градот е интересот на капиталот и поединци, револтирано коментираат охриѓани. Неодамна беа исечени неколку дрва на улицата „Партизанска“, а слични примери порано имавме кај рекреативната патека за Горица, на улицата „Јане Сандански“ на булеварот „Туристичка“… Градските власти најавија дека ќе ја поправат грешката, која како што тврдат била направена на улицата „Партизанска“ и на местото на пресечените ќе засадат нови дрва. Јавноста очекува да ги види.
OhridNews
