На денешната седница на Советот, поради отсуството на советниците од ВМРО ДПМНЕ, без позначајни расправи, за околу еден час работа, едногласно беа усвоени сите точки на дневниот ред. Покрај извештаите за реализираните програми текот на 2009 година, советниците дадоа зелено светло и за извештаите за работата на неколку одделенија и секори во општината.
Дневниот ред на седницата, во кој според најавата беа, предвидени 20 точки , беше скусен и дополнет со по една точка. По барање на градоначалникот, беше повлечена Предлог одлука за усвојување на записник и збирен извештај за проценетите штети на подрачјето на општината Охрид, а на дневниот ред беше додадена точката за донесување на Локална урбанистичка документација за израдба на чуварска куќа во Националниот парк Галичица.
E.E.
