Македонската редакција на Светскиот сервис на Би-Би-Си, вчера за последен пат емитуваше од Лондон вести на македонски јазик, откако на крајот од јануари годинава Управата на оваа британска медијска јавна компанија одлучи да ја укине секцијата на македонски, како и програмите на српски и албански јазик. Објаснувањето беше поради потребата од штедење.
Емисијата вести во 17 часот и 30 минути по британско време, траеше половина час и го означи крајот на секцијата која во Би-Би-Си постоеше нешто повеќе од 15 години. Уште околу еден месец, потоа, ќе се пренесуваат информации на македонски јазик на Интернет страницата на секцијата, до нејзиното трајно згаснување.
Секциите на српски и на албански јазик, уште од пред две недели престанаа со емитувањето своите емисии вести. Македонската редакција почна со емитувањето на програмата во јануари 1996 година.
OhridNews
