„Биди ѕвезда не фрлај петарди“ е мотото на проектот „Превенција од злоупотреба на пиротехнички средства“ што ќе го спроведува Секторот за внатрешни работи од Охрид, во пресрет на новогодишните празници.
Во рамките на проектот пред учениците од шесто до деветто одделение во сите охридски основни училишта ќе бидат реализирани повеќе практични типизирани предавања како превентивни и едукативни мерки. Преку овие предавања на децата ќе им се посочат опасностите од пиротехничките производи по нивното здравје и живот.
Во реализиција на активностите од проектот ќе бидат вклучени службите од Отсекот за превенција при СВР Охрид.
OhridNews
