Билетите за концертот на Владимир Четкар кој ќе се одржи на 7 Август (сабота), со почеток во 23 часот, на Античкиот Театар во Охрид во склоп на фестивалот Охридско Лето, ќе бидат пуштени во продажба во петок, 23 Јули.
Билетите ќе можат да се купат во Охрид во кафе терасата „Аквариус“, во музичката продавница „Зи Зи Топ“ и во „Контакт Кафе Паб“.
Во Скопје билетите ќе можат да се набават во „Југотон“ (градски трговски центар) и во Кафе „Круг“ (Дебар Маало).
Цената на Билетите е 200 Денари.
Владимир Четкар на концертот во Охридскиот антички театар ќе биде придружуван од Хју Вајт на клавијатури, Џонатан Харви на Бас и Бено Сатлер на Тапани а ќе се претстави со своја авторска џез соул фанк програма од која дел ќе биде премиерно изведена на овој концерт.
OhridNews
