Викендов на подрачјето на СВР Охрид реализирани се засилени сообраќајни акциски контроли. Притоа, полициските службеници, затекнале 17 возачи кои, управувале моторно возило под дејство на алкохол (Охрид—9, Струга-02, Кичево-05, Дебар-01).
Тие, веднаш се исклучени од сообраќај, одземени им се возачките документи и поднесени им се соодветни платни налози, истакна портпаролот на СВР Охрид Стефан Димовски.
СВР Охрид поднесе кривична пријава против 54-годишен жител на Ново Село, општина Дебарца, поради постоење основи на сомнение за сторено казнено дело „ширење расистички и ксенофобичен материјал по пат на компјутерски систем“.
Тој, на 21.01.2022 година, по објавен текст на еден електронски портал, постирал коментар со недолична содржина со што, промовирал насилство кон едно лице. – информира Димовски.
Поради постоење основи на сомнение за сторено казнено дело „вршење јавен превоз без лиценца“, СВР Охрид поднесе кривична пријава против 68-годишно лице од охридското село Лескоец.
При контрола во патниот сообраќај, извршена на 04.02.2022 година, полициските службеници на булеварот „Туристичка“ во Охрид, го затекнале пријавениот како управува автобус сопственост на правен субјект од Охрид, без да поседува соодветна лиценца издадена од надлежен државен орган за вршење превоз на патници во внатрешниот сообраќај.
Синоќа, во 20.45 часот, во СВР Охрид пријавен е пожар на старата трибина од фудбалското игралиште на спортскиот центар „Билјанини извори“ во Охрид.
Повредени лица нема а предизвикана е мала материјална штета. Интервенирала Територијалната противпожарна единица Охрид. – стои во полицискиот билтен.
OhridNews
