Билтен: Граната од I Светска војна пронајдена во нива, 4-годишно дете им се изгубило на родителите, пожар во Дебрца

На 4 мај во СВР Охрид пријавено било дека во нива во охридското село Лескоец била пронајдена граната.

Од извршениот увид, констатирано е дека се работи за неексплодирана артилериска граната калибар 55 милиметри, која потекнува од периодот на Првата светска војна. Гранатата била безбедно подигната од стручно лице од Центарот за управување со кризи. – соопшти СВР Охрид.

Синоќа, во 17:50 часот, полициски службеници од полициската станица за безбедност во патниот сообраќај Охрид, во близина на паркинг просторот кај плажата „Горица 3“ во Охрид, го пронашле  4-годишното дете, кое, претходно во 17.50 часот, од родителите беше пбило ријавено дека се загубило кај скејт паркот на пешачката патека после каналот „Студенчишта“.

Вчера, пак, попладнето во 17 часо пријавен бил пожар кај место викано „Цер“, атар на селото Издеглавје, Општина Дебарц. Зафатена била нискостеблеста вегетација. Пожарот бил изгаснат од екипа на Територијалната противпожарна единица Охрид, а повредени лица нема. Увид бил извршен од екипа на СВР Охрид.

OhridNews