РЦ за ГР „Запад“ поднесе кривична пријава против албанските државјани Е.Л.(39) и Д.Т.(26) за сторено кривично дело „незаконит риболов“. На 20.05.2012 година, во 23,30 часот во водите на Охридското езеро наспроти селото Трпејца, на оддалеченост од еден километар од граничната линија со Р Албанија, од страна на полициски службеници пријавените биле затекнати во чамец со 25 рибарски мрежи и друга риболовна опрема како вршат незаконит риболов, а при извршен преглед во чамецот биле пронајдени и 22 парчиња риба „охридска пастрмка“ со тежина од 8,4 килограми и три парчиња риба „клен“ со тежина од два килограми. Истражен судија на пријавените им одреди мерка притвор во траење од по осум дена.
РЦ за ГР „Запад“ поднесе кривична пријава и против Д.С.(48) од с.Радожда за сторено кривично дело „незаконит риболов“. На 12.05.2012 година, на брегот на Охридското езеро кај с.Радожда, од страна на полициски службеници од ПС „Франгово“ пријавениот бил затекнат во пловен објект во кој биле пронајдени три рибарски мрежи во кои имало два килограми риба „белвица“.
Кривична пријава за незаконит риболов заработија и Р.Ц.(27), Д.Т.(30) и Д.М.(18), сите од с.Мешеишта. Тие на 13.05.2012 година, биле затекнати кај населбата „Елен Камен“со три рибарски мрежи, една сачма и 1,2 килограми риба „клен“.
