Богата програма за одбележувањето на годинешните Прличеви беседи

Со изложба на ликовни дела од Колекцијата на НУ Центар за култура “Григор Прличев” во недела ќе започне годинешната манифестација “Прличеви беседи”.

Во рамки на свеченоста посветена на лауреатот, ќе биде прикажана кратка двд проекција според наградената поема “АКО” од Трајче Кацаров -“1762 лето”, носител на наградата Григор Прличев 2011 кој се очекува да се обрати пред присутните гости.

Предвиден е и настап на хорот при Центарот за култура, беседа ќе одржи Ристо Јачев, а ќе биде врачена и повелбата и наградата за најдобра поема “Григор Прличев” за 2011 год.

Традиционално како и секоја година, ќе биде објавен и конкурс за најдобра поема “Григор Прличев” за 2012 година.

Прличевите беседи ќе започнат во 13 часот во изложбениот салон на Центарот за култура.

Организирањето на манифестацијата е овозможено со материјална помош на Министерството за култура на Република Македонија.