Од 16 до 30 август Охрид повторно ќе биде домаќин на Ohrid Water Festival, единствениот фестивал кој ги спојува водените спортови и културната програма во градот. Годинешното, трето издание ветува богата спортско-рекреативна и социјално-едукативнaта програма.
Спортската програма започнува на 16 август со Меѓународен ватерполо турнир за ветерани, по кој следуваат Ред Бул падалинка, Меѓународна кајак регата, Меѓународен OWF пливачки митинг, Меѓународен тренинг камп во едрење, Меѓународна едриличарска регата, Охрид трчаТ акватлон, Куп во спортски риболов-Куп хранилка, СУП јога на вода, Меѓународна веслачка регата Охрид 2025, Регата со традиционални кајчиња, Меѓународно штафетно нуркање за мир, Запознај го едрењето, заштити го езерото, СУП маратон 33км околу езеро, Државно младинско првенство во пливање, Европски Меч Рејс Куп, СУП трки, Кајак регата Струга-Охрид и Охридскиот пливачки маратон на 30 август.
Програмата со социјално-едукативна содржина започнува на 27 август со изложба на Нуркачкиот центар Акватек и концер на групата „Фузија“. Следниот ден, 28 август, програмата започнува со изложбата „Видови риби во Охридско Езеро“, по што следуваат концерт на Распеано рибарче, промоција на пливачи на Охридскиот маратон и документарниот филм „70 години маратонско пливање“. На 29 август предвидени се настаните 30 години УНДП во С. Македонија и изложбата „Патување по синилото: Св. Наум до Радожда“.
Сите настани од социјално-едукативнaта програма на Ohrid Water Festival ќе се одржат на „Кеј Македонија“, пред хотел „Палас“.
Фестивалот е под покровителство на Општина Охрид, а неговата основна цел е промоција на водените спортови, афирмација на уникатноста на Охридското Езеро и туристичките потенцијали со кои изобилува градот.
Н.С.Ј.
