Богослужби по повод Св. Петка во манастирот во Велгошти

По повод празникот на „Св. Преподобна маченичка Параскева Римска (Св. Петка)“, кој воедно е и манастирската слава на манастирот „Света Петка“ – Велгошти, вечерва, ќе се служи празнична вечерна богослужба со почеток во 19 часот, информираат пд Дебарско – кичевската епархија.

Исто така, по повод празникот, утре, среда, во манастирот „Света Петка“ -. Велгошти, ќе се служи света литургија со почеток во 8.30 часот.

Света архиерејска литургија, по повод празникот на „Света Петка“, ќе се служи и во црквата „Света Петка“ во манастирот „Свети Наум Охридски“, со почеток во 9.00 часот, на која ќе чиноначал-ствува Неговото Високопреосвештенство митрополитот Дебарско-кичевски г. Тимотеј.

Богослужби ќе има и во сите други парохиски цркви во Охрид.