Бокс мечот помеѓу БК „Тернипе“ и БК„Чаир“ од Скопје, вчера бил прекинат поради општа тепачка на трибините. Имено откако бокс мечот што се одржувал во салата на училиштето „Браќа Рамиз и Хамид“ бил прекинат од страна на делегатот заради измена на боксери, еден од навивачите на БК„Чаир“ заедно со двајца тренери од клубот реагирале кај делегатот. Воедно навивачот почнал да ги навредува присутните навивачи на натпреварот, по што настанала турканица помеѓу навивачите, кои фрлале со столчиња помеѓу себе и физички се пресметале. Физичката пресметка продолжиле и во дворот на училиштето, каде од страна на навивачите оштетени биле и две патнички возила.
Со цел спречување на понатамошното нарушување на редот и мирот, полицаец од службениот пиштол испукал два куршуми во воздух.
Поради задобиени повреди во физичката пресметка во Градската општа болница во Скопје лекарска помош побарале четири лица, кои потоа биле пуштени на домашно лекување. Полицијата презема мерки за целосно расчистување на случајот.
OhridNews
