Божиќна честитка од Градоначалникот и Советот на општината

По повод утрешниот голем христијански празник Рождество Христово- Божиќ, градоначалникот Александар Петрески и претседателот на Советот на општината, Душко Јаковчески, до сограѓаните од православна вероисповест упатуваат честитка со желби за достоинствено одбележување на празничните денови, искажување и потврдување на вистинските цивилизациски вредности.

-Религиските определби и вредности за хуманост, мир, мегусебно почитување и љубов; слога и  испомагање едни на други; се општоцивилизациски норми на кои треба да се придржуваме во своето живеење и работење, а посебно за време на празничните денови во кои го одбележуваме Рождеството Христово.Само на тој начин  и со таков однос кон себе, кон семејството и упатеноста едни кон други, ќе можеме да ја доживееме и почувствуваме убавината на Божиќ преку семејниот мир, благосостојбата, христијанската љубов и возвишеност на духовното живеење. Нека годинешниот Божиќ внесе топлина, здравје, среќа и љубов во секој дом на нашите сограѓани.  Нека празникот ја исполни со топлина и задоволство душата на секој сограѓанин, а во духот да завладеат  благата мисла и силната верба за големите можности за остварување на заедничките  обврски и задачи за доброто на целата локална заедница.