Оваа одлука денес, едногласно, беше донесена од страна на членовите на Управниот одбор на здружението на граѓани за целосна афирмација на Македонската православна црква, „Богојавление“ .
– Задоволни сме од бројот на заинтересираните за превземање на кумството и се надеваме дека и идната година ќе има голем интерес. Тоа е уште еден доказ дека манифестацијата постепено ги проширува своите рамки и дека здружението е едно од најдобрите во Охрид и земјава, рече претседателот на Богојавление, Љупчо Арнаудов.
Браќата Лотески истакнаа дека за нив претставува голема чест и задоволство да бидат кумови на годинешната манифестација, со оглед на тоа дека секоја година редовно учествуваат во чинот на фаќањето на светиот крст.
– Јас бев првиот кој го фати крстот во 1990 година, кога за прв пат започна масовната прослава на празникот Богојавление- Водици, а заедно со мојата тајфа го имаме фатено и бурето со вино на денот на рибарите, истакна Јован Лотески.
