Своите амбиции ги црпам од постојаните контакти со народот. Деновиве ја завршив сондажата на состојбите во земјата и време е да ги изнесеме проблемите со кои се соочува народот и да ги решаваме во еден демократски политички дијалог со сите кои и мислат добро на Македонија, но во моментов сеуште не сум решил дали ќе се кандидирам за претседател. Ова синоќа во Охрид го изјави поранешниот министер за внатрешни работи, Љубе Бошковски на трибината со граѓаните на Охрид.


Во преполната сала на Центарот за култура, Бошковски се осврна на актуелните политички случувања во Македонија, а зборуваше и за односот со владејачката ВМРО ДПМНЕ кон која упати и повеќе критики. Доколку политички се активирам не верувам дека мојата партија ВМРО ДПМНЕ на која единствено и припаѓам дека нема да застане зад мене, рече Бошковски. Тој рече дека сака да биде обединител, а не разединител на партијата. Бошковски истакна дека има своја визија за Република Македонија и дека доколку одлучи да се врати на политичката сцена ќе работи на нејзино остварување. Трибините кои сега ги одржувам се граѓански и со нив сакам да им се оддолжам на десетиците илјади граѓани кои несебично ме поодржуваа додека бев во Хаг, посочи Бошковски. Тој најави дека средбите со граѓаните ќе продолжат и во наредниот период.

Ohridnews