Велика Британија даде „зелено светло“ за новата генерација нуклеарни централи и со тоа даде и потик за „ренесанса“ на нуклеарната енергија ширум светот. Владата тврди дека Велика Британија мора да изгради нови нуклеарни централи за да ги оствари целите врзани со климатските промени и да ја намали зависноста од увозната енергија.

„Новите нуклеарни централи имаат важна улога во идното снабдување со енергија, заедно со другите ниско-фосилни извори“ рекол во парламентот министерот за енергетика Џон Хатон. Претходно владата во 2003 година нуклеарната енергија ја означи како неатрактивна, но изненадувачки високите цени на нафтата и гасот ја направија повторно конкурентна, а истовремено се зголемија и напорите за за смалување на емисијата на штетни гасови заради глобалното затоплување. Земјите како што се Франција и Финска исто така градат нови нуклеарни централи, а дозвола за градба побарале и некои американски компании, повторно оживувајќи ги ги ставовите дека атомската енергија е дел од решението за светските енергетски проблеми.Се смета дека новите нуклеарки би можеле да бидат пуштени во погон до 2017 година, што би и помогнало на британската влада да ја оствари целта за смалување на емисијата на штетни гасови до 2020 година.  

Јасминка Т. Момироска