Бројот на пловни објекти кои сообраќаат на Охридското Езеро ни од далеку не е толкав колку што се зборува во јавноста, велат од Капетанијата на пристаништата. Оттаму информираат дека во Македонија вкупно се регистрирани 1020 пловни објекти и дека од нив само околу 35 – 40 проценти се на Охридското Езеро.
-Околу 300 до 400 пловни објекти, најмногу кајчиња и глисери со уредни регистрации пловат на Охридското Езеро, изјави капетанот Љупчо Настоски. Според него Охридското Езеро не е преоптоварено со сообраќај, но е потребно да се води сметка за негова заштита од еколошки аспект, на што не обврзуваат и европските закони.
Настоски најавува дека во текот на туристичкиот шпиц Капетанијата ќе врши засилена контрола на водниот сообраќај, посочувајќи дека веќе се поднесени неколку пријави против лица кои ги прекршиле правилата за пловидба.
OhridNews
