Бројот загинати од силниот земјотрес што во неделата ја погоди југоисточната турска провинција Ван, достигна 471, додека 1.650 се повредени, соопшти владината агенција за справување со кризни ситуации, пренесува „Макфакс“.


Жителите од настраданиот регион се сместени во шатори, а многумина не смеат да се вратат во оштетените станови поради стравувања од нови потреси.

Во земјотресот со магнитуда од 7,2 степени по Рихтер што ја погоди провинцијата Ван кон границата со Иран, разурнати се повеќе до две илјади објекти. Турските сеизмолози прогнозираат дека бројката загинати ќе се движи меѓу 500 и илјада.

OhridNews
извор: „Макфакс“