По пауза од две години, на теренот во с. Велмеј, Дебрца ќе се одигра натпревар од второлигашка конкуренција. Натпреварот помеѓу Охрид и Шкендија кој беше одложен на барање на тетовци, наместо во Охрид ќе се игра на теренот во Велмеј, а сето тоа поради поставувањето на тартан подлогата на Билјани Извори.На теренот во Велмеј, второлигашки фудбал се играше пред точно две години кoга, Илинден покрај настапите во првенстовото, тогаш во купот ја пречека тетовска Шкендија, во чиј состав настапуваше Артим Шакири.
Во пресрет на последниот натпревар оваа година во второлигашката конкуренција, без разлика на исходот од мечот, Шкендија ќе биде есенски првак додека Охрид ќе остане во опасната зона во местата кои водат во понизок ранг.
М.П.
