Претседателот на ВМРО-Народна партија, Марјан Додовски со дел од Извршниот Комитет на партијата, деновиве беше во посета на општина Струга и Општинскиот Комитет.
Во рамките на посетата беа отворени и новите простории на Општинскиот Комитет на ВМРО-Народна партија во Струга.
Во поздравниот говор, пред присутните членови и симпатизери на ВМРО-Народна партија, претседателот Марјан Додовски го потенцираше успешниот ангажман на раководството на О.К Струга. При тоа, ги информираше присутните дека ВМРО-Народна партија продолжува со организарање на своите општински комитети за што поуспешно да се пречекаат следните парламентарни избори, за кога ВМРО-Народна партија има за цел јасно да се позиционира како единствена, вистинска десна опција во македонскиот политички блок.
Во текот на посетата на Струга, претседателот на ВМРО-Народна партија во струшката чаршија оствари неформална средба со граѓаните на Струга.
Ohridnews
