На денешен ден во 1941 година, борците на Првиот прилепски партизански одред извршија напад врз бугарската полициска станица во градот, на прилепскиот затвор и на телефонско-телеграфската мрежа. Со овој чин беше означен почетокот на востанието на Македонскиот Народ против бугарскиот окупатор, со цел за конечно осободување на земјата. На 12 октомври се огласија и истрелите на кумановските партизани. Почна четиригодишната крвава НОВ на Македонскиот Народ за конечно ослободување на земјата која заврши со успех само во еден дел на Македонија.
11 Октомври, Денот на востанието на Македонскиот Народ денеска со низа активности ќе биде одбележан и во Охрид.
Делегација од охридската општина ќе положи свежо цвеќе пред бистите на народните херои Андон Дуков, Спас Банџов и Мите Богоески, пред бистата на Петре Пирузе – Мајски, како и во Спомен паркот на револуцијата.
Церемонијата по повод одбележувањето на овој национален празник ќе започне во 9 часот и 30 минути на плоштадот “Свети Климент Охридски”.
Ohridnews
