Претпоследната рунда во есенската полусезона во Првата македонска кошаркарска лига помина во знакот на гостинските екипи кои остварија четири победи на петте натпревари.
Бодови на гостински терен прокнижија Кожув кој славеше над Шкупи (121-87), МЗТ Скопје кој победи во Битола против Пелистер (83-71), Работнички совладувајќи го Вардар 107-89 и АВ Охрид кој сензационално го победи Гостивар (94-89).
Честа на домаќините ја одбрани Блокотехна. Лидерот на табелата триумфираше против Куманово 81-69 и ја обезбеди првата позиција во првата етапа.
Резултати: Шкупи – Кожув 87-121, Пелистер – МЗТ Скопје 71-83, Гостивар – АВ Охрид 89-94, Блокотехна – Куманово 81-69, Вардар – Работнички 89-107.
Табела: Блокотехна 19, Работнички 17, МЗТ Скопје 16, Гостивар 15, Фени Индустри 15, Куманово 13, Кожув 13, АВ Охрид 12, Вардар 11, Пелистер 10, Шкупи 8
Двојки (11.коло): АВ Охрид – Пелистер, Работнички – Гостивар, Куманово – Шкупи, МЗТ Скопје – Фени Индустри, Кожув – Вардар
OhridNews
