Отсекот за превенција при СВР Охрид во координација со РСБСП, денеска во основното училиште „Ванчо Николески“ во охридското село Лескоец, ја реализираа превентивната кампања „Да ги заштитиме децата во сообраќајот“, информираат од СВР Охрид.
Притоа, полициските службеници низ интерактивен пристап, остварија контакт и разговори со учениците од прво одделение во училиштето, им ги пренесуваа најважните основи информации корисни за сообраќајната безбедност, ги запознаваа со основните сообраќајни правила што треба да ги знаат а кои значат нивно безбедно учество како пешаци во сообраќајот, велат од СВР Охрид.
На учениците им беа поделени боенки, распореди и друг едукативен сообраќаен материјал.
OhridNews
