Охридскиот хард-рок состав „The Backdoor Band“ и оваа година ја претставува Македонија на светскиот музички натпревар во организација на www.globalrockstar.com. На ова он-лајн натправарување учествуваат претставници од 196 држави и 6 учесници со вајлд карта. „The Backdoor Band“ во светска конкуренција влезе со песната „Truck & Roll“.
Гласањето за светскиот натпревар е во тек и ќе трае до 20ти декември кога ќе биде прогласен победникот. За да гласате за „The Backdoor Band“ одете на овој линк: https://www.globalrockstar.com/arena, пуштете едно од видеата (она за кое сакате да гласате) да оди 10 секунди, па кликнете на VOTE и кога ќе наидете на видеото од „The Backdoor Band“ гласате за нив. Тоа може да го направите еднаш во 24 часа со регистрирање од фејсбук профил или твитер. Првите 60 бенда на крајот од ноември продолжуваат во следниот елиминационен круг.
Момците од „The Backdoor Band“ се надеваат дека со поддршка од публиката ќе успеат да стигнат до големото финале односно до најдобрите 10.
Главната награда за победникот изнесува 25.000 долари, а за второто и третото место се доделува вредна опрема од познатиот бренд АKG.
OhridNews
