Фудбалската репрезентација на Албанија во наредниот период ќе ја предводи италијанскиот стручњак Џани де Бјази, потврди националниот сојуз на оваа земја. „Договорот со Де Бјази ќе трае до ноември 2013 година“, соопштија од Фудбалскиот сојуз на Албанија.

Де Бјази, официјално како селектор на Албанија ќе биде преставен следната недела во Тирана. Џани де Бјази досега има работено во Модена, Бреша, Торино, Удинезе и во шпанскиот прволигаш Леванте. Италијанскиот стратег ќе ја предводи Албанија низ квалификацискиот циклус за пласман на СП во Бразил во 2014 година.

Противници на Албанија во Е квалификациската група ќе бидат Норвешка, Словенија, Швајцарија, Кипар и Исланд.

Изборот на Де Бјази е вистинско изненадување за познавачите на фудбалот во оваа земја, минатиот месец како сигурен избор на селекторската позиција се споменуваше поранешниот предводник на Македонија, Среќко Катанец, а минатата недела Фудбалскиот сојуз на Албанија неуспешно ги заврши преговорите со Бесник Хасли.

Албанија на ранг листата на ФИФА се наоѓа на 75. место.

“Макфакс“
Ohridnews