Официјална делегација од Куба, предводена од Геобер Гуибер Пардо, шеф на одделот за Европа на кубанското министерство за култура, оствари работна средба со градоначалникот на Охрид, Јован Стојаноски.
На средбата се разговарало за соработка во културата, при што бил договорен настап на кубанскиот ансамбл „ECOS“ во Охрид од 18ти до 25ти август на повеќе локации. .
Ансамблот „ECOS“ е основан во 1999 година, од страна на искусни музичари и танчари во Хавана. Ансамблот ги изведува традиционалните кубански ритми, како румба, сон, гуајира, болеро, блуес и фламенко. Тие имаат настапувано на повеќе меѓународни настани во Абу Даби, Кувајт, Турција и други.
