Делегација на Општина Охрид предводена од раководителот на Секторот за поддршка на градоначалникот, Зоран Рафтоски учествуваше на “Јадранскиот саем за туризам и исхрана“ што се одржа во Будва – Црна Гора.
Во рамки на посетата, раководителот Рафтоски оствари работна средба со заменик- градоначалникот на Будва и со амбасадорот на Унгарија во Црна Гора, кои беа информирани за започнатите и идни проекти на Општина Охрид, кои се однесуваат на економското и туристичко заживување на градот.
На средбата се разговараше и околу започнатиот процес за збратимување на Охрид со унгарскиот град Веспрем, а се разгледа и можноста за збратимување на Охрид со езерскиот град Шиофок,кај познатото унгарско езеро Балатон. Како што беше потенцирано од присутните, идната соработка меѓу Охрид и унгарските градови би значело заедничко аплицирање со проекти пред европските фондови што е од особено значење за економски развој на двете земји.
При престојот во Будва, охридската делегација оствари средби со јавни личности од економскиот и културниот живот во Црна Гора, како и со претставници од црногорските туристички агенции и познати тур – оператори при што беа разменети искуства за унапредување на туристички развој на Македонија и Црна Гора.
Претставници од општина Охрид редовно учествуваат на Јадранскиот саем кој се одржува во Будва,градот со кој Охрид е збратимен во далечната 1984 година.
OhridNews