Денеска, ден пред одредениот датум за локалните избори, гласаат болните и немоќните, лицата во куќен притвор, затворениците.
Во Охрид за гласање во домашни услови се пријавени 230 болни и немоќни лица. Вкупно евидентираните за гласање во избирачкиот список се 52 580 граѓани со право на глас. Утре ќе се гласа на 87 избирачки места, додека промени има на неколку.
Во Дебрца гласаат 38 болни и изнемоштени лица, а вкупно во избирачкиот список се запишани 3937 лица. Ќе се гласа во 22 избирачки места, додека промена на локација има само на едно 1318 кое од Црвена вода е преместено во 1315 во Ново Село.
Вкупно 296 болни и изнемоштени лица и седуммина затвореници денеска го остваруваат своето право на глас во Струга. Таму се гласа на 101 избирачки места, а според податоците на Државната изборна комисија (ДИК) во избирачкиот список се евидентирани 61 956 лица со право на глас.
Во Општина Вевчани денеска ќе гласаат деветтмина болни и изнемоштени и еден затвореник. Во оваа општина правото на глас на локалните избори според ДИК ќе го остварат 2.084 гласачи на три избирачки места.
Н.С.Ј.
