Денес ќе се задржи променливо облачно и нестабилно време со локален пороен дожд и грмежи,наместа во форма на невреме, соопшти Управата за хидрометеоролошки работи. Во петок и сабота ќе биде сончево и многу топло, а во сабота кон крајот на денот ќе настапи позначителна промена на времето проследена со локален пороен дожд , грмежи и засилен ветер, наместа и во форма на невреме.
Максималната дневна температура денес ќе достигне до 37 степени, а во Охрид до 29 степени Целзиусови. Утре живата во термометарот ќе се искачи до 38, а во сабота до 39-от степен. Температурата од недела ќе биде во опаѓање.
Биометеоролошка прогноза
Преку денот биометеоролошките услови ќе бидат лоши. Во пладневните часови кај поголем број на луѓе можна е појава на главоболки, но и болки во колената, грбот и на вратот. Во вечерните часови можна е појава на сонливост, а кај некои пак ќе се појави и чувство на тежина во главата.
OhridNews
