По извршените интервјуа со предложените кандидати за директор, од страна на училишните одбори, градоначалникот Александар Петрески се очекува во текот на денот да ја донесе конечната одлука кои ќе бидат новите директори на основните училишта „Христо Узунов“ и „Братство и единство“. Како што OhridNews неофицијално дознава, решенијата за избор на директор на новите први луѓе на овие две основни училишта ќе им бидат врачени утре.
Предлозите кои се доставени од страна на училишните одбори до градоначалникот се резултат на претходно извршените интервјуа со кандидатите, во присуство на претставници од училишниот одбор и Бирото за развој на образованието.
И во двете училишта кон крајот на минатата година, од страна на тогаш актуелните директори беше поднесена оставка, по што беа поставени ВД директори до избор на новите.
Т. К.
