Денеска се одбележува празникот посветен на маченикот Св. Стефан. Традиционално овој празник најсвечено се одбележува во манастирот Св. Стефан во истоимената населба крај Охрид.
За манастирот:
На околу 5 километри јужно од Охрид, се наоѓа мала пештерна црква посветена на првиот христијански маченик-Архиѓаконот Стефан.
Пештерната црква „Св.Стефан” датира од IX век и единствена црква посветена на овој светител во Македонија. За црквата е искористена една природна пештера која од јужната страна е преградена со ѕид од кршен камен. Покрај црквата во подоцнежниот период се изградени и конаци кои во денешно време се реновирани и се издаваат по симболична цена од 150ден. за ноќевање.
Овој манастир за кој интересот на граѓаните е се поголем, во последниве две години интензивно се доградува и гради. Реконструиран е надворешниот дел на манастирот, и изградена е нова камбанарија на местото на старата, а изградени се и нови конаци.
Поради својата добра местоположба и прекрасниот поглед, овој манастир станува се поинтересен за туристите.
OhridNews
