Охриѓанецот Денис Мурат, во понеделник (21.03) ќе има нова можност за влез во големото финале на музичкото шоу “Македонски идол” што се емитува на А1 телевизија. Тој со исклучителниот талент и спонтаност го привлече вниманието на публиката, но и покрај  добриот настап во првиот обид не успеа да избори влез во првите пет, а со тоа и во финалето. Пред него сега е нова шанса,  меѓутоа за пласман  меѓу најдобрите „идоли“ потребана му е голема поддршка од охриѓани и обожавателите во земјата.


Потребна му е поддршката од охриѓани – Денис Мурат

Денис Мурат има 24 години. Дипломирал на факултетот “ФОН” каде и специјализира. Афинитет кон музиката покажува уште од шестгодишна возраст, се запишува во нижото музичко училиште “Методи Патче”, отсек виолина. Ден денес се занимава со музика, учесник е на многу јавни музички настани како виолинист, а учествуваше и на фестивалот “Охрид Фест” каде ја исполни песната “Горана”. Минатото лето учестуваше во реалното шоу “Фешта”, во кое дојде меѓу десетте финалисти. Веќе пет години има редовно свирки низ охридските кафетерии, правејќи одлични забави.

Во овој момент на Денис му треба поддршката од охриѓани. Момчето вреди затоа што на прекрасен начин го претставува Охрид. Затоа стиснете палци и во понеделник сите пред тв со телефоните во рака.

OhridNews