Отидоa по победа, но се вратија задоволни со реми. Охрид 2004 кој оваа година е како препороден и ја игра најдобрата сезона по враќањето во второлигашкото друштво ја издржа дерби пресметката со Тиквеш и непоразен 1-1 се врати дома.


Со исти ритам кон целта

– Заминавме со желба да победиме, но мора да бидеме задоволни со освоениот бод. Имавме шанси да ги казниме домаќините но ни недостигаше концентрација во одлучувачките моменти. Ништо не е загубено и на добар пат сме да ја исполниме нашата цел, а тоа е по 13 кола да бидеме на врвот на табелата да се крунисаме со епитот есенски прваци – вели стратегот на “Белите“ Џајо.

“Рибарите“ во наредното шестто коло на домашен терен ја пречекуваат екипата на струшки Влазними. По пет одиграни кола стружани се на осмата позиција со шест освоени бода. Во рамките од третото коло на “Билјанини“ ремизираа со Охрид Лоте играјќи 1-1.
М.П.