Џиновската, 170 метри долга скулптура на јагула што по повод 50-от јубулеј на фестивалот Охридско лето ја изработи охридскиот уметник Сергеј Цингулоски, ќе му биде подарена на градот. Ова било најавено вчера на свечената промоција на ова несекојдневно уметничко дело, на која присуствуваа  градоначалникот Александар Петрески, евро-амбасадорот Ерван Фуере, претставници на Фестивалот, на локалната самоуправа, и љубители на уметноста.


За десеттина дена, скулптурата која е поставена покрај Мостот на желбите ќе биде извадена од водите на езерото кога  Цингулоски и официјално ќе и ја подари на градот Охрид. Како можна локација каде таа би можела да биде поставена се споменува потегот кон плажите односно пешачката патека на брегот на Езерото.


Сергеј Цингулоски

Два тони тешката дрвена јагула е изработена од 50 делови што ги симболизираат 50-те години на Фестивалот Охридско лето. Официјално таа е најголемо уметничко дело поставено во вода, што деновиве треба да биде потврдено и од Гинисовата книга на рекорди.

OhridNews