Напаѓачот на Атлетико Мадрид, Диего Коста, во јуни ќе се пресели во Челзи за сума од 32 милиони фунти, ексклузивно пренесува Sky Sports.
Според истиот извор, двата тима нема да го објават договорот пред почетокот на следниот месец, бидејќи Атлетико го очекуваат клучните мечеви во сезоната – во сабота против Барселона ќе решава за титулата во Шпанија, а на 24.мај ќе игра против Реал во финалето на Лигата на шампиони.
Според ESPN, Коста на соиграчите веќе им соопштил дека во јуни ќе си замине од „Винсенте Калдерон“.
Напаѓачот на Атлетико оваа сезона има постигнато 35 голови на 47 одиграни натпревари и е еден од најзаслужните за одличните резултати на клубот.
Од друга страна, најголемиот проблем на Челзи во сезоната беше реализацијата, бидејќи Фернандо Торес, Демба Ба и Самјуел Ето заедно постигнаа само 19 голови.
„Макфакс“
