Заштитата на македонскиот индентитет, јазик и култура во соседните земји, би се остварила преку отворање на министерство за иселеништво. Со ваков став е Обединетата македонска дијаспора, која со писмо до премиерот инсистира на создавање вакво тело кое ќе ги штити интересите на македонскиот етникум вон границите на земјава.
Според оваа организација, со формирање посебно министерство ќе се консолидираат сите институции задолжени за прашањата со дијаспоратa, вклучувајќи го и секторот за дијаспора во Министерството за надворешни работи, како и агенцијата за иселеници. „Ова министерство би било задолжено за македонското малцинство во соседните земји, а целта е да се заштитат нашиот идентитет, култура, традиција и јазик која се негува оддамна“ – се вели во писмото.
Во земјава во перидиодот од 98-ма до 2000-та, имаше вакво министерство. Но за создавање на едно ново тело, потребни се измени во законот за организација, како и работа на органите и државната управа.
OhridNews
