По пребројувањето на 97,12% од пристигнатите гласови, кандидатот на ВМРО-ДПМНЕ за претседател на државата Ѓорге Иванов освоил 429.778 гласови, или 51,66% од излезените гласачи. Кандидатот на СДСМ, Стево Пендаровски, освоил 311.258 гласови, или 37,41% од излезените гласачи, соопшти Државната изборна комисија.
Овие двајца кандидати влегоа во вториот круг од изборите за претседател на државата, кој ќе се одржи на 27ми април.
Кандидатот на ДПА Илијаз Халими освоил 38.270 гласови, или 4,60% од излезените гласачи, додека кандидатот на ГРОМ Зоран Поповски 30.092%, или 3,62% од излезените гласачи.
Претседателот на ДИК Никола Рилковски оцени дека првиот круг од претседателските избори поминал мирно, со исклучок на еден инцидент во Неготино.
OhridNews
