Охридската публика имаше убава можност да се радува на уште победа на македонската кошаркарска репрезентација на европскиот шампионат за мали земји. Одличната атмосфера пртокаена со традционалните македонски навивачки песни ги понесе девојките кон полуфиналниот триумф.
– Ми преставува огромна чест што играм пред ваква публика, искрено се “ежам“ кога ги слушам како навиваат. Никогаш досега сме немале ваква подршка – вели Славица Димоска една од најискусните во нашиот тим.
Мечевите на македонската женска конкуренција се магнет и за најмладите кои со нетрпение го очекуваат секој меч.
Финалниот меч од ЕП се игра вечерва со почеток во 19 часот.
М.П.
