Наредната, 32- ра седница на советот на Општина Охрид може да се очекува во текот на идната недела, односно по завршувањето на Велигденските и пред првомајските празници, информираат од локалната самоуправа.

Иако, претстојните предвремени парламентарни избори директно не влијаат врз интензитетот на одржувањето на седниците, сепак се поизвесно е дека тие ќе се одразат врз содржината на точките кои ќе се најдат на дневен ред на седниците кои ќе се одржат во периодот пред изборите.

Според неофицијалните информации, ќе се избегнуваат точките кои се однесуваат на донесување на одредени урбанистички решенија, како тоа не би се одразило врз рејтингот на политичките партии чии претставници седат во советот.

OhridNews