До крајот на месец април на десет локации во градот ќе бидат поставени долго најавуваните информативни пултови со екран на допир. На нив бесплатно ќе може да се презентира вкупната туристичка понуда, а туристите ќе можат да добијат разни сервисни информации, од телефонски броеви на институции, до мапи, па дури и менија со состав на храната што ја нудат рестораните и хотелите.
Хотелите, рестораните. кафетериите, приватните станоиздавачи и сите други субјекти поврзани со туризмот својата понуда бесплатно ќе можат да ја презентираат, доколку се логираат на веб страницата www.ipult.info Заинтересираните за подетални информации можат да се обратат во Секторот за туризам и локален економски развој при Општина Охрид.
OhridNews
