Според Агенцијата за пошти, целта е да се подигне степенот на одговорност на Македонска пошта како главен носител на овој услужен сектор. „За нивото на квалитет на испорачаните услуги во корист на испраќачите и примачите на пратки, се одвива постапката за имплементација на стандардот за рекламации. Предвидена е глоба од 300 000 денари за ненавремено одговарање на рекламацијата“ – појаснуваат од агенцијата.
Директорот на оваа агенција, Влатко Атанасовски, потенцира дека бројот на рекламации и годишниот обем на услуги на Македонска пошта е занeмарлив. „Бројот од 0,005 проценти е сосема мал, а единствено логично објаснување е дека корисниците не знаат дека можат да поднесат приговор за изгубени и задоцнети обични писма“ – вели Атанасовски.
Истражувањето на задоволството на корисниците на услугите на поштенските оператори за годинава покажува дека 22% од анкетираните граѓани воопшто не се информирани за услугите на Македонска пошта, 25% добиваат информации од нејзините шалтери, 22% од пријатели или соработници, 18% од медиумите, а 13% од вработените во Македонска пошта.
