Марин Докузовски (49) е избран за нов селектор на македонската машка сениорска кошаркарска репрезентација. Менаџментот на МКФ ја потврди препораката на Стручниот совет кој го предложи Докузовски за предводник на најдобрите македонски кошаркари.

Актуелниот тренер на Работнички беше предводник на македонскиот национален тим, и тоа во дел од квалификациите за ЕП 2001. Селекторското место кај мажите беше испразнето по оставката на Србинот Јовица Арсиќ кој реши предвреме да си замине од кормилото на националниот тим, иако имаше договор до 2010 година.

Во тренерската кариера Докузовски ги има водено екипите на Работнички, МЗТ Скопје, Поло Трејд и бугарскиот Лукоил Академик.

Еден од најсериозните кандидати за помошник на Докузовски се спомнува поранешниот тренер на Амак СП, а сега тренер на Пелистер, Марјан Лазовски, кој му беше асистент и на селекторот Јовица Арсиќ, и има искуство со работа во репрезентацијата.

ohridnews