Селекторот на нашата репрезентација со пофални зборови за кошаркарите на прес-конференцијата и покрај минималниот пораз.
„Мислам дека со настапот на овој натпревар уште еднаш покажавме дека заслужено сме меѓу најдобрите осум на Евробаскетот. Уште пред натпреварот знаевме дека проблем ќе биде скокот, затоа што игравме без Тодор Гечевски, а и затоа што Русија е најсилна токму на тие позиции. Повторно одигравме добро во одбраната, сепак подолгата клупа на Русија го реши натпреварот. Сметам дека и да победевме, немаше да биде незаслужено. И честитам на Русија и и посакувам многу среќа во наредниот дел од натпреварувањето“, вели Докузовски.
Со поразот од 63-61, Македонија во четвртфиналето на Европското првенство се среќава со домаќинот Литванија. „Свесни сме за нивните квалитети, знаеме дека се домаќини и дека се фаворити, но ние не сме тука за да се предадеме… Тука сме за да играме кошарка и за да победуваме. Ние ќе го дадеме максимумот против секој тим, исто како што тоа го правевме досега“, заврши нашиот селектор.
Ohridnews
