На 03 мај во Хотел Гранит со почеток во 20,30 часот ќе се одржи годишна донаторска вечера на Ротари клуб Охрид. Собраните средства ќе бидат дел од фондот кој е наменет за проектот Набавка на медицинска опрема за детското одделение при ЈЗУ Општа болница Охрид.
Проектот како „Global Grant” на Rotary International се реализира во соработка со група на клубови од Шведска,Италија и Србија наречена “ Multi club workshop” и секако Ротари фондацијата на Rotary International.
Ротари клуб Охрид заедно со меѓународните партнер клубови донираат околу 20 000 долари, на тој износ, фондовите од Шведскиот и Италијанскиот дистрикт додаваат по 10 000 долари, а од фондот на RI Foundation дополнителни 20 000 долари.
Со прибраните средства во износ од околу 60 000 долари ќе се купи најсовремена медицинска опрема со која ќе се задоволат моменталните потреби на детското одделение.
OhridNews
