Донацијата на фондацијата „Македонија 2025“, која се состои од музички инструменти во вредност од над 5300 американски долари, утре ќе биде предадена на основното музичко училиште „Методи Патчев“ во Охрид.
На настанот ќе присуствуваат претставници на фондацијата, како и градоначалникот на Охрид, Никола Бакрачески.
Средствата за музичките инструменти беа собрани на хуманитарниот концерт кој се одржа за време на Глобалниот инвестициски самит во 2013 година во црквата „Св. Софија“, во организација на фондацијата „Македонија 2025“.
OhridNews
