Поради големата заинтересираност во Охридд, набавени се дополнителни 300 вакцини против сезонскиот грип. Вакцинацијата, која во Охрид започна пред повеќе од две недели, се покажа како успешна, а граѓаните се заинтересирани за превентива против ова вирусно заболување. Долнителните 300 вакцини се наменети за сите категории на граѓани.
Од Центарот за јавно здравје информираат дека вакцината штити една година од сезонскиот грип, односно од двата типа на вирусот А и Б. Според специјалистот по епидемиологија при овој Центар, д-р Јованка Стурлакова – Коровешовска до сега се вакцинирани над 1100 граѓани на Охрид.
-Вакцината е најпотребна за лицата со намален имунитет, потоа дијабетичарите, оние кои боледуваат од астма како и луѓето со бубрежни заболувања. Треба да се вакцинираат и лицата кои се во постојан контакт со луѓе – додаде Стурлакова – Коровешовска.
Цената на вакцината е 400 денари. Единствена овластена институција за нејзино давање е Центарот за јавно здравје од Охрид .
