„На референдумот прашањето ќе биде дали сте за припадници на екстремистички и паравоени групации кои учествуваа во вооружени дејствија во РМ во 2001-ва година, да можат да бидат бирани за Министер за одбрана, правда и внатрешни работи.“ – изјави лидерот на „Достоинство“ Стојанче Ангелов, на вчерашниот работен состанок, истакнувајќи дека новиот Министер за одбрана ќе се менува преку референдум.
Тој потенцира дека во овие три ресори, нема место за човек кој учествувал во вооружени дејствија против македонските безбедносни сили.
„За повторно да не не обвинат за национализам, ограничуваме на овие три министерства. Нека биде Талат Џафери во некој друг ресор. Но не може човек кој бил во УЧК, дали бил обичен војник или командант, да биде Министер за одбрана.“ – вели Ангелов.
Дали „Достоинство“ ќе се одлучат на ваков чекор и дали воопшто ќе дојде до референдум, ќе покаже времето.
OhridNews
