Иако уште нецел месец не дели од отворањето на 50-тото, јубилејно издание на фестивалот „Охридско лето“ (12 јули), на јавноста сé уште не и е презентирана фестивалската програма. На интернет страницата од овој реномиран меѓународен фестивал сеуште се наоѓа програмата од 2009.
Неофицијално, дознаваме дека објавувањето на овогодинешната програма доцни поради тоа што организаторите на фестивалот го чекаат Симон Трпчески да се врати од турнејата во САД.
Секоја година до оваа, програмата интегрално се објавуваше неколку месеци порано. Оваа година сé уште не се знае ништо конкретно, освен дека фестивалот ќе го отворат македонскиот пијанист Симон Трпчески, Рускиот национален оркестар и диригентот Михаил Плетњов.
OhridNews
